post-smile

(: الابتسامة لغة من لغات الجسد … وسيلة من وسائل الاتصال بيننا  .. و طريقة مختصرة لكسب القلوب 🙂

إرسمى على وجهك إلابتسامة الخفيفة عدة مرات في اليوم ومع الوقت هيكون ده العادى بتاعك  .. و طبعا شكلك بيكون أحسن طول ما أنتى مبتسمة 🙂

ده غير إن الأبتسامه ليها فوائد كتيييييييير ،  حيث أثبتت الدراسات أن الابتسامة تساعد الجسم على إفراز هرمون الاندروفين و الهرمون ده مسؤول عن تخفيف الآلام والشعور بالراحة والسعادة .. وتعزيز جهاز المناعة .. وخفض الاجهاد .. وتحسين المزاج ..

إبتسمى علشان الابتسامة بتنشط الذهن .. و بتقوى القدرة على تثبيت الذكريات بتقوية الذاكرة .. و بتساعد على صفاء الذهن و عدم تشتته و تزيد قدرتك على التخيل و الإبداع و دقه التفكير فى حياتك الشخصيه و العمليه.

إبتسمى فالابتسامة تفرح من حولك و تعطيهم  التفائل و تظهر شخصيتك المحبه للحياه  .. و تزيد من اصدقائك لأن الانسان بطبعة يبحث عن الفرح و التفاؤل فسيجدهم فى إبتسامتك 🙂

إبتسمى فالابتسامه صدقه إبتسمى فى وجه الفقير و الغلبان فابتسامتك تعنى له الكثييير.

إبتسمى 🙂 ايوه كده 😉