أكثر حاجه بتظهر جمال عنيكى هى حواجبك و رموشك .. و الرموش الطويله الكثيفة بتعطى طله رائعه من الأنوثة و الجمال .. علشان كدة لازم نهتم بالرموش و نعتنى بيها .. فى حاجات كتير بتأثر على الرموش زى إستخدام ماكياج العين و إزالته بطريقه غير سليمة مع العوامل الخارجية كالشمس و التراب بتاثر على الكيراتين و ده المكون الأساسى للشعر و ده بيأثر على ضعف الرموش و تقصفها و تساقطها … لذلك جمعنا لكي تلك النصائح للعناية والحفاظ على الرموش:

  • لعدم تساقط الرموش من البداية لازم قبل النوم تزيلى أثار الماكياج بطريقة سليمة.
  • إستخدمى ماسكرا ماركة معروفة ومصرحة من وزارة الصحة.
  • إستخدمى ماسكرا مغذية للرموش قبل الماسكرا العادية … و ممكن تستخدميها قبل النوم … و لو مش عندك مش مشكله ممكن تجيبى زيت اللوز ده بيحافظ على رموشك من التقصف لإنه غنى بفيتامينات (أ – ب أ) و ده بيحافظ على صحة الجلد و الشعر و بينشط الدورة الدموية و ممكن تستخدمى بفرشة ماسكرا قديمة نظيفيها كويس و إستخدميها.
  •  إستخدمى زيت الخروع لإطالة شعر الرموش و الحواجب لانه أفضل مقو للشعر و يعمل على تطويله و زيادة كثافته.
  • يجب تغيير الماسكرا كل 3 شهور .. و تنظيف فرشة الماسكرا كل فترة .. و التخلص من الماسكرا القديمة.

طريقة إستخدام الماسكرا:

  1. يجب إختيار الماسكرا المناسبة من حيث نوع الماركة .. شكل الفرشاه .. و على الجانب بيكون مكتوب ما تفعله هذه الماسكرا ( volume كثافة –  طول  length – لون  color)  إختارى المناسب لإحتياجك.
  2. ضعى الماسكرا فى الرموش الأعلى و إنتى مغمضه من الداخل للخارج و إبدئ بالجذور للاطراف مرتين بلطف حتى يظهر كل رمش بمفرده و لا تتشبك.
  3. ثم فتحى عينيك و ضعى على الاطراف الى فوق عده مرات لتظهر أكثر طولاً .. ممكن تكررى بعد لما تنشف مرة أخرى لتعطى كثافة.
  4. ضعى فى الجزء الأسفل بلطف و إنتى مفتحة من الداخل الى الخارج مرة واحده ثم من الجذور الى الأطراف مرتين لتظهر طبيعية لإن الطبيعى إن الرموش فى الجزء الأسفل أقل من الجزء العلوى.
  5. يفضل إستخدام الماسكرا السودا .. وهى أخر خطوة فى وضع الميكب فيجب أن تضعيها بحذر.